Plantun de Prouvènço

Pèr coumpara dos planto d'encò nostre

Nepeta cataria & Abies cephalonica

Erbo-di-cat

Nepeta cataria

Lamiaceae Labiaceae

Àutri noum : Mento-di-cat, Amistouso, Menugueto, Mentastre.

Noms en français : Cataire, Herbe aux chats.

Descripcioun :
L'erbo-di-cat es uno planto devengudo raro que se pòu pamens trouba dins quàuqui relarg proche dis oustau (óurigino pountico). Sèmblo à Nepeta nepetella, planto coumuno de mountagno. Se n'en destrìo pamens, en mai dóu relarg, que si fueio soun mai grando (fin qu'à 6 cm).

Usanço :
Ero cultivado à passa tèms. Si fueio soun manjadisso coume sabourun e se pòu n'en faire de tisano. Se dis qu'agrado i cat...

Port : Pichoto planto lignouso
Taio : 40 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Nepeta
Famiho : Lamiaceae
Famiho classico : Labiaceae

Coulour de la flour : Blanco
Petalo : irreguliero
Ø (o loungour) flour : 15 à 17 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Camin
Estànci : Mesoumediterran à Mountagnard
Couroulougi : Óurigino pountico
Ref. sc. : Nepeta cataria L., 1753

Sapin(-de-Cefalounìo)

Abies cephalonica

Pinaceae

Àutri noum : Sapin(-de-Grèço), Sap, Sapino, Abet, Sapi.

Noms en français : Sapin de Céphalonie, Sapin de Grèce.

Descripcioun :
Lou sapin-de-Cefalounìo trachis naturalamen en Grèço (Cefalounìo). Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun mai longo (25 mm) e un pau torso sus la fin. Tambèn lou bout de la fueio èi pounchu (fotò). Li bourroun soun resinous. Es un aubre que devèn mens grand (30 m). Coumpara emé lou sapin dóu nostre que ié sèmblo proun.

Usanço :
Dèu agué li mémis usanço que la sapino.